الجمعه وحشه ومانشوفك..اشلون ترضانه نعوفك؟؟للسيد الشهيد الصدر

الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ

الجمعه وحشه ومانشوفك..شلون ترضانه نعوفك
انت ويانه الدليل..اي وحك ربي الجليل
من طحت بين كسوفك
الجمعه وحشه ياوحشه..بيه اندور عليك
نسمع الجلمات منك..من بعيد ونعتنيك
نحضر لمسجد الكوفه..بشوك وبلهفه نجيك
وياك نلعن بالطغاة..نصل عالباري ونبيك
مايرد حتى العليل..لو ثكل حمله وثجيل
شلون ترضانه نعوفك
جينه الكم بكل عزيمه..وبيه اصرار واباء
جينه نشرب ماي صافي..نتروي بنهر الفداء
من لبسنه الجفن كلنه..ابيض ومحله الرداء
وياك صحنه بصوت واحد..بيه اعلنه الولاء
نرجع انزور الكفيل.. والفحل حامي الدخيل
شلون ترضانه نعوفك
يالصدر ظلت علامه..قايمه ليوم القيامه
يوم طاح ونذر دمه..وشال في صدره وسامه
هذا عنوان الولاء..وهذا عنوان الامامه
يوم جسده الصدره..وكال كلا بكل شهامه
وكال كلا لليعيل..الموت حق النه وسبيل
شلون ترضانه نعوفك
انت ضحيت بحياتك..لااجل دين المسلمين
خذت من حيدر حكمته..والشهاده من الحسين
قارعيت الجور ثاير..والظلم على المؤمنين
سقطت اكبر هويه..وطاغي اعتى المجرمين
طاح ياطيحه ذليل..ولاذ باكتاري دخيل
شلون ترضانه نعوفك
نشوف صرحك يظل شامخ..ونعتني ليك ونزور
نقبل العتبه وندخل..وبيك من نشعل بخور
العلامه البيك ظلت..وانت متوسط القبور
خضرت شجره على بابك..تحيط كبرك بالزهور
يحط يمك من يشيل.. يشتم العطر النبيل
شلون ترضانه نعوفك